LIHAT WEBSITE INI DALAM VERSI BAHASA INDONESIA KLIK AJA DI SINI

NGANGSU TOYA APIKULAN WARIH, AMÈT GENI ADEDAMAR

SUGENG RAWUH

 Para kadhang Siswa Pawiyatan Madya Inggil 2 Wanasaba (SMA 2 WONOSOBO), salebeting Kaca Maya Basa Jawi SMA 2 Wonosobo punika, mugi saged minangka papan panggulawenthah bab basa, sastra, aksara tuwin kabudayan Jawi ingkang adiluhung punika.Lan bok bilih ing mangké anggèn kula nyawisaken wujuding kaca maya punika taksih kathah kekiranganipun kula tansah nyadhong rumentahing samudra sih pangaksami, ing wasana sugeng mriksani lan mugiya rahayu ingkang samya pinanggih. nuwun

    Puji Pangastuti wonten ngarsa Dalem Gusti Ingkang Akarya Jagad, ingkang tansah paring Kasarasan tuwin karaharjan, kaca maya basa Jawi punika kula serat sayektosipun minangka kanggé marsudi murih tansah ngrembakanipun basa Jawi, mirungganipun salebeting Piwucalan Basa Jawi ing SMA 2 Wonosobo. mila wujudipun namung prasaja sakwontenipun kados mekaten, mugi wonten ginanipun maturnuwun.

Admin Setya Amrih Prasaja,S.S.

Email : webmaster@smadasobo.zzn.com

©1942 AJ - 2009 M

AYO SINAU NULIS MACA AKSARA JAWA

ing nginggil kalawau sakperangan bab aksara Jawa, menawi wonten ingkang ngersakaken artikel ingkang wonten gegayutanipun kaliyan  aksara Jawa saged sesambetan lumantar buku tamu utawi pinarak mlebet ing kaca UNDUHAN.

SASTRA NUSANTARA

PAWIYATAN LUHUR GADJAH MADA / GADJAH MADA UNIVERSITY

    Kathah ingkang dèrèng uninga bilih ing salah satunggaling Fakultas Ilmu Budaya (rumiyin Fakultas Sastra) Universitas Gadjah Mada, wonten jurusan ingkang nyinaoni bab Sastra Jawa, jurusan ingkang nyinaoni sastra Jawa punika rumiyin asmanipun Sastra Nusantara lajeng ewah dados Jurusan Sastra Daerah untuk Sastra Jawa, lan lajeng sakpunika wangsul malih dados jurusan Sastra Nusantara, sinaosa asamanipun jurusan Sastra Nusantara nanging sayektosipun isining pawiyatan mirunggan nyinaoni bab Sastra Jawa sak-ubarampénipun.

    Awit saking kawontenan punika kathah ing ngatasipun bebrayan ageng kepara malah Instansi Pamaréntah ingkang boten mangertosi bab punika, nama jamak limrah menawi bebrayan ageng boten pirsa, nanging menawi instansi Pamaréntah kok boten mangertosi bab punika rak kebongeden eh…kebangeten saestu. Ning nyatanipun bab mekaten kathah kalampah…BKD (Badan Kepegawaian Daerah) ingkang boten nunsèwu MUDHENG nalika mrangguli utawi manggihi wontenipun ijasah Sastra Nusantara ing antaranipun para pelamar kerja ingkang mbetahaken sarjana Sastra Jawa….èh pancèn wis wolak – waliking Jaman. ning nyatanipun kula rumiyin nggih ngangsu kawruh bab Sastra Jawa wonten papan punika..

KOMOENITAS ROEMAH HANTOE SENDOWO D-77

    Komunitas Rumah Hantu, mangkono tembungé wong kampung Sendowo marang bangunan omah joglo ing Blok D-77 sing wis rada tua umuré, omah tua iki digawé papan manggon para kanca - kanca mahasiswa Fakultas Sastra (Ilmu Budaya), Universitas Gadjah Mada, ana sing jurusan Sastra Nusantara (Jawa) kalebu "enyong", lan Sastra Perancis, Sastra Indonesia, D-3 Pariwisata. lan para dedengkoté "SASTRO MOENI" ya sregep nongkrong nang Rumah Hantu apamanèh nèk malem minggu...wah kebak bocah padha ngumpul sesama JOMBLO nangkéné, maklum sing manggon nang Rumah Hantu JOMBLO kabèh.....(isih mikir kuliah ndisik...rung sempat pacaran).

           Foto nduwur kuwi, foto Rumah Hantu bagian mburi lan sing lungguh ndodok gondrong kuwi "enyong"jaman dadi mahasiswa sastra Jawa UGM rambute isih gondrong ta ?,....ning kuwi mbiyen nèk saiki ya.....ora bisa mengko ndak disenèni.....lan ditiru murid - muridku

héhéhéhéhé...........

Wah dadi kèlingan jaman biyèn,.........

Jaman Nalika kuliah biyèn isih seneng dolan nang kraton karo kanca - kanca UKM SWAGAYUGAMA (tari) UGM, cara - carané nyoba nganggo  sandhangan abdi dalem kraton Ngayogyakarta Hadiningrat.

Foto Bareng Helmi Yahya lan Alya Rohali nang Studio INDOSIAR bar mèlu acara KUIS SIAPA BERANI mungsuh, UNS, ITB lan IPB........ning sayangé sing menang IPB....hiks....hiks......